निवडणूक लढवण्याची 'पीडीपी'ची घोषणा

श्रीनगर, दि. २९ : आगामी विधानसभा निवडणुकीत "पीपल्स डेमोक्रेटीक पार्टी' (पीडीपी) उमेदवार उभे करणार असल्याची घोषणा त्या पक्षाने केल्याने जम्मू-काश्मीरमधील एक प्रमुख पक्ष या प्रक्रियेत सहभागी होणार असल्याचे स्पष्ट झाले आहे. याआधी या पक्षाने निवडणुकीवर बहिष्कार घालण्याचे ठरविले होते.आपला पक्ष निवडणुकीपासून दूर राहिल्यास जनतेला हवे असलेले प्रतिनिधी निवडून येणार नाहीत, या शक्यतेमुळे आपला पक्ष रिंगणात उतरणार असल्याचे पक्षाध्यक्ष मेहबूबा मुफ्ती यांनी सांगितले.