Editor: Gangaram Mhambre
Tel: 0832-2421101, 2422879. Emails: goadoot@rediffmail.com, goadoot@gmail.com.

Sunday 20 July, 2008

लता मंगेशकरांना डी. लिट प्रदान

नागपूर, दि. 19 - गानकोकिळा लता मंगेशकर यांना आज राष्ट्रसंत तुकडोजी महाराज नागपूर विद्यापीठातर्फे मानद डी.लिट उपाधीने सन्मानित करण्यात आले. लतादीदींचे भाचे, हृदयनाथ मंगेशकर यांचे सुपुत्र आदिनाथ मंगेशकर यांनी आपल्या आत्याच्या वतीने हा मानद सन्मान स्वीकारला.
लता मंगेशकर यांचे नाव पुकारण्याचा मान अधिष्ठाता विजयालक्ष्मी रामटेके यांना मिळाला. कुलगुरू डॉ. श. नू. पठाण यांनी मानपत्राचे वाचन केले. त्याचे लेखन यशवंत मनोहर यांनी केले होते. लतादिदी सभागृहात नसल्या तरी त्यांचे भाषण आज सभागृहाने ऐकले आणि त्यांनी प्रचंड टाळ्याही मिळविल्या.
यावेळी प्रख्यात गांधीवादी न्या. चंद्रशेखर धर्माधिकारी, प्र-कुलगुरू डॉ. गौरीशंकर पाराशर, व्यवस्थापन परिषद सदस्य आणि सर्व अधिष्ठाता उपस्थित होते. वसंतराव देशपांडे सभागृहात आज विद्यापीठाचा 95 वा दीक्षांत समारंभ आयोजित करण्यात आला होता.

No comments: