आजची बैठक वादळी ठरणार
फोंडा तिस्क ते सेंट मेरी हायस्कूलपर्यंतचे ४९ गाडे आणि दुकाने रस्ता रुंदीकरणाच्या मार्गात येत असल्याने त्यांचे पुनर्वसन करण्याच्या विषयावर फोंड्यात सध्या चांगलेच वादंग माजले आहे. हे सगळे गाडेवाले भविष्याच्या विवंचनेत असताना त्यांच्या नाकावर टिच्चून प्रशासकाने त्यातील केवळ ११ निवडक गाड्यांचेच पुनर्वसन केले आहे. या अकरांपैकी तीन गाड्यांचे पुनर्वसन डॉ. उसगावकर इमारतीजवळ सेटबॅक एरियामध्ये करण्यात आले आहे. या तिघांनाही पूर्वी होती तेवढी किंबहुना ऐसपैस जागा देण्यात आली असून या विषयावर धडपडणाऱ्या इतरांना मात्र केवळ चार चौरसमीटर जागा देण्यात येणार असल्याचे सांगण्यात आले आहे. या सगळ्यांवर वरताण म्हणजे पालिकेच्या एका माजी नगराध्यक्षाचा एक नवीन गाडा हल्लीच रातोरात याच ठिकाणी उभा राहिला आहे. हा नेमका प्रकार काय आहे? आणि त्याला परवानगी कोणी व केव्हा दिली? असा सवालही नगरसेवक करीत आहेत. दरम्यान फोंड्याचे स्थानिक आमदार व राज्याचे मंत्री रवी नाईक यांनी आज फोंड्यात राजीव कला मंदिरात गाड्यांच्या विषयावरून बोलावलेली बैठक चांगलीच वादळी ठरण्याची शक्यता आहे.
Tuesday 8 April, 2008
Subscribe to:
Post Comments (Atom)
No comments:
Post a Comment