मूर्तीसह ६५ हजार लांबविले
वास्को, दि. २८ (प्रतिनिधी): आज सकाळी कुठ्ठाळी भागातील एका मंदिरात व एका चर्चमध्ये अज्ञात चोरट्यांनी दरवाजांची कुलुपे तोडून आत प्रवेश केल्याचे उघड झाल्याने पुन्हा एकदा येथील सुरक्षा यंत्रणेबाबत प्रश्न निर्माण झाले आहेत. ठाणा, कुठ्ठाळी येथे असलेल्या श्री दत्त मंदिरातील देव दत्ताची चांदीची मूर्ती, पादुका व रोख मिळून ६५ हजारांची मालमत्ता चोरट्यांनी लंपास केल्याचे उघडकीस आले आहे. सोत्रांत, कुठ्ठाळी येथील अवर लेडी ऑफ पायटी या चर्चमधून चोरट्यांना मालमत्ता लंपास करण्यास अपयश आल्याचे वेर्णा पोलिसांनी सांगितले.
ठाणा येथे असलेल्या दत्त मंदिरात प्रवेश करण्यासाठी अज्ञात चोरट्यांनी मंदिराला असलेल्या चार दरवाजांचे (गर्भ कुडीचे दरवाजे मिळून) कुलुपे तोडून आत प्रवेश केल्याचे उघडकीस आले असून येथे असलेली (अभिषेकासाठी वापरण्यात येणारी) देव दत्ताची चांदीची मूर्ती तसेच चांदीच्या देवाच्या पादुका व पाच हजाराची रोख रक्कम मिळून ६५ हजाराची मालमत्ता लंपास केल्याची माहिती वेर्णा पोलिसांनी दिली. वेर्णा पोलिसांच्या माहितीनुसार चर्चमधून अज्ञात चोरट्यांनी काहीच लंपास केले नाही. मुरगाव तालुक्यात नव्या वर्षात चार धार्मिक स्थळावर अज्ञात चोरट्यांनी चोरीसाठी मंदिराचे दरवाजांची कुलुपे तोडून आत प्रवेश केल्याचे उघडकीस आले आहे.
वेर्णा पोलिस स्थानकाचे निरीक्षक राजन प्रभूदेसाई यांच्या मार्गदर्शनाखाली पोलिस उपनिरीक्षक अभिषेक गोम्स पुढील तपास करीत आहेत.
Friday 29 January, 2010
Subscribe to:
Post Comments (Atom)
No comments:
Post a Comment