मुंबई, दि. ८ - सुप्रसिद्ध उद्योगपती अतुल्य मफतलाल यांच्या पत्नी शीतल यांना मुंबईतील स्थानिक न्यायालयाने १२ जूनपर्यंत न्यायालयीन कोठडी सुनावली असून उद्या त्यांच्या जामीन अर्जावर सुनावणी होणार आहे.
शीतल मफतलाल यांनी विदेशातून आणलेल्या दागिन्यांवरील जकात कर बुडविल्याचा आरोप ठेवण्यात आला आहे. शीतल मफतलाल या रविवारी रात्री ब्रिटिश एअरवेजच्या विमानाने लंडनहून मुंबईला आल्या. पण, मुंबई विमानतळावर जकात अधिकाऱ्यांनी त्यांना रोखले. शीतल मफतलाल यांच्याकडे जवळपास ५१ लाख रुपये किंमतीचे हिऱ्याचे दागिने होते. त्यापैकी केवळ ३० लाखांच्या दागिन्यांचा जकात कर त्यांनी भरला होता. त्यांच्याकडे उर्वरित दागिन्यांचा जकात कर भरल्याचे पुरावे नसल्याने पोलिसांनी त्यांना ताब्यात घेतले.
त्यांच्या जामीन अर्जावर उद्या सुनावणी होणार आहे.
Tuesday 9 June, 2009
Subscribe to:
Post Comments (Atom)
No comments:
Post a Comment