बारावी परीक्षेचा निकाल २५ टक्के

पणजी, दि. ८ (प्रतिनिधी): गोवा शालान्त व उच्च माध्यमिक मंडळाने १ नोव्हेंबर ते ९ नोव्हेंबरदरम्यान घेतलेल्या बारावी परीक्षेचा निकाल जाहीर करण्यात आला असून फक्त २५ टक्के विद्यार्थी उत्तीर्ण झाले आहेत. मडगाव व म्हापसा या दोन केंद्रांमधून ८४९ पैकी २१४ जण उत्तीर्ण झाले आहेत. कला, वाणिज्य, विज्ञान व व्यावसायिक अशा चार शाखांचा हा निकाल मंडळाने आज प्रसिद्ध केला.