पणजी, दि. १०(प्रतिनिधी): पटणा उच्च न्यायालयाचे माजी मुख्य न्यायमूर्ती प्रफुल्लकुमार मिश्रा यांच्या अध्यक्षतेखाली गोवा राज्य मानवी हक्क आयोगाची स्थापना करण्यात आल्याची घोषणा आज सरकारने केली. गोव्याचे माजी जिल्हा सत्र न्यायाधीश ए. डी. साळकर हे या आयोगाचे सदस्य असतील.
राज्यपाल डॉ. एस. एस. सिद्धू यांनी राज्य सरकारने केलेल्या शिफारशीवरून ही निवड केली आहे. राष्ट्रीय मानवी हक्क आयोगाने सर्व राज्यांना यासंबंधीचे आदेश जारी केले होते.आत्तापर्यंत मानवी हक्कांच्या उल्लंघनाबाबत तक्रारदारांना राष्ट्रीय मानवी हक्क आयोगाकडे दाद मागावी लागत होती. आता राज्य मानवी हक्क आयोगाची स्थापना करण्यात आल्याने यासंबंधीच्या तक्रारी सदर आयोगाकडे दाखल करून घेण्यात येणार आहेत..
Saturday 11 December, 2010
Subscribe to:
Post Comments (Atom)
No comments:
Post a Comment