पणजी, दि.१३ (प्रतिनिधी)- पणजी शिमगोत्सव समितीतर्फे पर्यटन संचालनालय, गोवा सरकार यांच्या सहकार्याने उद्या शनिवार १४ रोजी पणजी येथे भव्य शोभायात्रा आयोजित करण्यात आली आहे.या निमित्त चित्ररथ, रोमटामेळ, लोकनृत्य व वैयक्तिक विभागात स्पर्धा आयोजित करण्यात आल्या आहेत.
उद्या संध्याकाळी ४.३० वाजता या शिमगोत्सवाच्या मिरवणुकीस सांतइनेज येथील काकुलो बेटाजवळून प्रारंभ होईल व आझाद मैदानावर त्याची सांगता होईल.वरील स्पर्धांसाठी आकर्षक रोख रकमेची बक्षिसे, फिरता चषक तसेच उत्तेजनार्थ बक्षिसे ठेवण्यात आली आहेत. रात्री उशिरा मान्यवरांच्या हस्ते स्पर्धेतील विजेत्यांना बक्षिसे प्रदान करण्यात येईल.शिमगोेत्सवा प्रित्यर्थ पणजी नगरी सध्या सजली असून, गेले चार दिवस आझाद मैदानावर उभारण्यात आलेल्या खास मंडपात विविध मनोरंजनात्मक कार्यक्रम सुरू आहेत. त्यांना प्रेक्षकांकडून उत्स्फूर्त प्रतिसाद लाभत आहे. उद्याच्या स्पर्धेच्या प्रवेशपत्रिका रायू चेंबर्स, ४ था मजला येथील शिमगोत्सवाच्या कार्यालयात उपलब्ध आहेत.
Saturday 14 March, 2009
Subscribe to:
Post Comments (Atom)
No comments:
Post a Comment