"गोवादूत'च्या विघ्नहर्ता विशेषांकाचे आज प्रकाशन

पणजी, दि. ५ (प्रतिनिधी) - दै."गोवादूत'च्या विघ्नहर्ता विशेषांकाचे प्रकाशन उद्या (सोमवारी) हातुर्ली येथे श्रीसुसेनाचार्य मठात कुंडई तपोभूमीचे पीठाधीश प.पू. ब्रह्मेशानंदाचार्य स्वामींच्या हस्ते होणार आहे. संध्याकाळी ५ वाजता हा प्रकाशन सोहळा होणार आहे. गणेश चतुर्थीनिमित्त प्रसिद्ध होणाऱ्या "गोवादूत'च्या या विशेषांकामध्ये गोवा, कोकण, पुणे, साताऱ्यापासून थेट इंडोनेशिया ते तुर्कस्थानपर्यंतच्या गणेशभक्तीचा आढावा घेण्यात आला आहे. हा संग्राह्य अंक मंगळवारपासून विक्रीस उपलब्ध होणार आहे.