न्यूझीलंडची ‘पाचपरतावण..’

गौतम गंभीरच्या युवा शिलेदारांनी शुक्रवारी चेन्नईत न्यूझीलंडचा पाचव्या आणि अंतिम झटपट लढतीतही आठ गड्यांनी धुव्वा उडवला व अनोखी ‘पाचपरतावण’ साजरी केली. कसोटी मालिका गमावलेल्या डॅनियल व्हेटोरीच्या चमूला नव्या दमाच्या भारतीय संघाने वनडे मालिकेत ५-० असा दणका दिला. आता महेंद्रसिंग धोनीच्या सेनेला वेध लागले आहेत ते दक्षिण आफ्रिकेला असाच भयंकर तडाखा देण्याचे..