प्रकाश मेत्री पोलिसांचा 'पंच'

अटाला याला जामीन राहिलेला मोटरसायकल पायलट प्रकाश मेत्री हा चक्क पोलिसांचाच 'पंच' निघाला आहे. गुन्हा अन्वेषण विभागात, अमलीपदार्थ विरोधी पथकाने टाकलेल्या अनेक छाप्यात प्रकाश मेत्री याला साक्षीदार म्हणून वापरण्यात आले आहे, अशी धक्कादायक माहिती उघड झाली आहे. ड्रगमाफियांना जामीन राहणारी व्यक्ती हीच व्यक्ती पोलिसांच्या छाप्यात साक्षीदार म्हणून न्यायालयात साक्ष देते, यावरून पुन्हा एकदा पोलिस आणि ड्रगमाफियांचे साटेलोटे असल्याचे उघड झाले आहे. प्रकाश मेत्री याचा अन्य पोलिस स्थानकातही चोरीच्या प्रकरणात साक्षीदार म्हणून वापर झाला आहे.