हॉस्पेट-वास्को रेलमार्गासाठी दोन हजार कोटी मंजूर

पणजी, दि. २१ (प्रतिनिधी): हॉस्पेट ते वास्को रेलमार्ग विस्तार करण्यासाठी मुरगाव पोर्ट ट्रस्टने केलेल्या प्रयत्नांना यश आले असून, या पायाभूत प्रकल्पासाठी रेल्वे मंडळाने दोन हजार कोटी रुपये मंजूर केले आहेत. रेलमार्गावरून मालवाहतूक करण्याच्या दृष्टीने ही योजना उपयुक्त ठरणार आहे. रेल्वे विकास निगमद्वारा दक्षिण पश्चिम रेल्वे मंडळाअंतर्गत या योजनेची कार्यवाही होणार असून मुरगाव बंदरातून मोठ्या प्रमाणात होणारी मालवाहतूक आता सुलभ होणार आहे. प्रवाशांनाही याचा लाभ होणार असून, गोव्याचा अन्य भागांशी संपर्क त्यामुळे वाढणार आहे.