पाच जणांचा अपघाती मृत्यू

मडगाव, दि. ३ (प्रतिनिधी)
दक्षिण गोव्यात आज चार वेगवेगळ्या अपघातांत चौघांना मरण आले तर त्यात एक पर्यटक, एक शिक्षक व एका शेतकर्‍याचा समावेश आहे, त्याचप्रमाणे आज सकाळी वास्कोत भारती शिपयार्ड (पूर्वीचे पिंकी शिपयार्ड) मध्ये कामाला गेलेला २५ वर्षीय राजेश चव्हाण हा कंत्राटी कामगार दिनेश यादव या ‘क्रेन ऑपरेटर’च्या हलगर्जीपणामुळे क्रेनखाली चिरडून जागीच ठार झाला. उत्तर गोव्यात शरदोण उतरणीवर झेन कार १० मीटर खोल दरीत पडल्याने डॅरील फर्नांडिस या २० वर्षीय तरुणाचामृत्यू झाला. तर, चालक अर्जुन फर्नांडिस गंभीर जखमी झाला आहे.