अनुजा प्रभुदेसाई यांचे निलंबन मागे

पणजी, दि. २१ (प्रतिनिधी): न्यायाधीश अनुजा प्रभुदेसाई यांचे निलंबन आज मागे घेऊन औद्योगिक तंटा लवादाच्या अध्यक्षपदी त्यांची फेरनियुक्ती करण्यात आली आहे. काही महिन्यांपूर्वी त्यांना निलंबित केले होते.
मुंबई उच्च न्यायालयाने त्यांच्या निलंबनाचा निर्णय आज मागे घेतला. त्यांच्या चौकशीचा अहवाल सादर केल्यानंतर त्यांचे निलंबन मागे घेण्यात आले. येत्या २६ डिसेंबरला त्या नव्या पदाचाताबा स्वीकारतील. या लवादाच्या अध्यक्षपदी असलेले न्या. देशपांडे यांच्याकडे उत्तर जिल्हा न्यायालयाचा आणि बाल न्यायालयाचा ताबा सोपवण्यात आला आहे.