मडगावी दुकान फोडून १.३० लाखांची चोरी

मडगाव, दि. १९ (प्रतिनिधी) : येथील सूट शिलाईतील अग्रगण्य मानले जाणारे शेख जिना यांच्या "जीन्स सूट रेव्हेन्यू'मध्ये काल रात्री चोरट्यांनी प्रवेश करून १.३० लाखांची रोकड हातोहात लांबवली. शेख जिना यांनी याप्रकरणी आज पोलिसांत तक्रार नोंदवली.
सदर दुकान येथील हरीमंदिराजवळ असून हल्लीच ते सुरू केले होते. पोलिसांनी पंचनामा केला असता चोरटे शटर वाकवून आत शिरल्याचे निदर्शनास आले. या भागांत अनेक आस्थापने असून तेथे सुरक्षा रक्षक असताना झालेल्या या चोरीने पोलिस चक्रावून गेले आहेत. त्यांनी काही संशयितांना आणून तपास केला; पण त्यातून फार काही निष्पन्न झाले नाही.