पणजी, दि.२ (प्रतिनिधी): ४० व्या आंतरराष्ट्रीय चित्रपट महोत्सवाची सांगता उद्या ३ रोजी होणार आहे. संध्याकाळी ४ वाजता येथील कला अकादमीच्या मास्टर दिनानाथ मंगेशकर सभागृहात आयोजित करण्यात आलेल्या समारोप समारंभाला दाक्षिणात्य सुपरस्टार मम्मुटी हे खास अतिथी म्हणून उपस्थित राहतील. यावेळी उत्कृष्ट चित्रपटासाठी सुवर्ण मयूर व रौप्य मयूर पुरस्कारांचीही घोषणा केली जाईल.
गेल्या २३ नोव्हेंबर पासून सुरू झालेल्या या सोहळ्याचा उद्या ३ रोजी शेवटचा दिवस असेल.कला अकादमीत आयोजित या कार्यक्रमाला मुख्यमंत्री दिगंबर कामत, चित्रपट संचालनालयाचे संचालक एस.एम.खान,मुख्य सचिव संजय श्रीवास्तव तसेच विविध देशांतून आलेले प्रतिनिधीही हजर राहणार आहेत.या सोहळ्याचे दूरदर्शनवर थेट प्रक्षेपण केले जाणार आहे.
No comments:
Post a Comment