सावईकर - सार्दिन आज उमेदवारी अर्ज सादर करणार

मडगाव, दि. १ (प्रतिनिधी) : दक्षिण गोवा लोकसभा मतदारसंघातून उद्या बुधवार दि. २ एप्रिल रोजी भाजपचे ऍड. नरेंद्र सावईकर व कॉंग्रेसचे फ्रान्सिस सार्दिन हे उमेदवारी अर्ज सादर करणार आहेत. ऍड. सावईकर हे सकाळी ११ वा. दामोदर सालात जाऊन श्री दामबाबाचा आशीर्वाद घेतील व नंतर समर्थकांसह मिरवणुकीने येऊन उमेदवारी सादर करतील. सार्दिन यांच्या उमेदवारीची वेळ कळू शकली नसली तरी ते सकाळच्या प्रहरात अर्ज सादर करतील, अशी शक्यता वर्तवण्यात येत आहे. सार्दिन यांनी उमेदवारी अर्ज सादर केल्यानंतर कॉंग्रेस उमेदवारीचा गुंता सुटल्यासारखा होईल.