Goa Doot - Goa's Marathi News

बारावी परीक्षेचा
निकाल 10 रोजी
पणजी, ता. 7 - राज्य उच्च शिक्षण मंडळाने मार्च 2008 मध्ये घेतलेल्या बारावीच्या परीक्षांचा निकाल येत्या 10 रोजी दुपारी 3.30 वाजता जाहीर करण्यात येणार आहे.
मंडळातर्फे येत्या 12 रोजी सकाळी 10.30 ते दुपारी 1 या वेळेत निकालपत्रक व गुणपत्रक उपलब्ध करून देण्यात येणार आहे. त्यासाठी बार्देश, तिसवाडी, पेडणे, डिचोली, सत्तरी व फोंडा तालुक्यांतील शाळांच्या अधिकृत प्रतिनिधींनी पर्वरी येथे मंडळाच्या कार्यालयात उपस्थित राहावे. तसेच काणकोण, केपे, सांगे, सासष्टी व मुरगाव या तालुक्यांतील शाळांच्या अधिकृत प्रतिनिधींनी दक्षिण गोव्याच्या मडगाव येथील शिक्षण कार्यालयात उपस्थित राहावे. त्याखेरीज गोवा फोर रिझल्ट, एक्झामरिझल्ट डॉट नेट, रेडिफ डॉट कॉम व इंडियारिझल्टस् डॉट कॉम या संकेतस्थळांवही हे निकाल उपलब्ध करून देण्यात येणार आहेत.