प.उदयराज गोडबोले यांचे निधन

पुणे, दि. १८ : संगीत रंगभूमीवरील ज्येष्ठ गायक, अभिनेते पंडित उदयराज गोडबोले यांचे आज पहाटेच्या सुमारास वृद्धापकाळाने निधन झाले.
ते ८४ वर्षांचे होते. गोडबोले यांनी लावणी भुलली अभंगाला, बैजू, देवमाणूस यांच्यासह अनेक पारंपरिक संगीत नाटकांमध्ये भूमिका केली होती. संगीत सौभद्रमध्ये त्यांनी केलेली नारदाची भूमिका विशेष गाजली होती. नाट्य क्षेत्रातील उल्लेखनीय कामगिरीसाठी त्यांना बालगंधर्व पुरस्काराने गौरविण्यात आले होते.
त्यांच्या निधनाबद्दल नाट्य तसेच संगीत क्षेत्रात हळहळ व्यक्त केली जात आहे.