नवी दिल्ली, दि.१५ : भाजपचे ज्येष्ठ नेते आणि लोकसभेतील विरोधी पक्षनेते लालकृष्ण अडवाणी यांची २८ सप्टेंबर रोजी गुवाहाटी येथे रॅली होईल, त्यावेळी त्याठिकाणी घातपात करू, अशी धमकी इंडियन मुजाहिदीन या संघटनेने दिली आहे. धमकीचा ई मेल मेघालयची राजधानी शिलॉंग येथून आला आहे.
ई मेलमध्ये आणखी काही मजकूर आहे काय, याची माहिती मिळू शकली नाही. दरम्यान, धमकीचा ई मेल आल्यानंतर लालकृष्ण अडवाणी यांच्या सुरक्षेत वाढ केली जावी आणि गुवाहाटी येथे ज्याठिकाणी सभा होणार आहे, त्या ठिकाणीही सुरक्षा व्यवस्था चोख ठेवण्यात यावी, अशी मागणी भाजपाचे राष्ट्रीय सरचिटणीस गोपीनाथ मुंडे यांनी केली आहे.
भारतात लोकशाही आहे आणि सभा घेण्याचा प्रत्येकाला अधिकार आहे. त्यामुळे ठरल्याप्रमाणे अडवाणी यांची सभा होईलच आणि सुरक्षेची जबाबदारी सरकारची राहील, असे मुंडे यांनी स्पष्ट केले.
No comments:
Post a Comment