अमिताभ यांची प्रकृती स्थिर

मुंबई, दि. १३ : महानायक अमिताभ बच्चन यांची तब्येत सुधारत असून ते औषधोपचाराला चांगला प्रतिसाद देत आहेत, अशी माहिती लीलावती इस्पितळाचे प्रमुख डॉक्टर नरेंद्र त्रिवेदी यांनी आज सांगितले. अमिताभ यांना शनिवारी पोटात दुखायला लागल्याने इस्पितळात दाखल करण्यात आले होते.
अमिताभ बच्चन यांच्या काही चाचण्या आज घेण्यात आल्या. ते आज उत्साही आणि प्रफुल्लित दिसले, असे त्यांच्या कुटुंबीयांनी सांगितले. त्यांना घरी पाठविण्याबाबत अद्याप डॉक्टरांनी काहीही निर्णय घेतलेला नाही, असे त्यांनी सांगितले.