जमीर यांची बदली?

पणजी, दि. 6 (प्रतिनिधी)- राज्यपाल एस.सी.जमीर यांची गोव्यातून बदली केली जाण्याची शक्यता आज नवी दिल्ली येथील सूत्रांनी व्यक्त केली. मिळालेल्या विश्वसनीय माहितीनुसार यासंबंधीचा आदेश गृहखात्यात तयार असून, राष्ट्रपतींच्या सहीनंतर या दोन दिवसांत त्याची कार्यवाही केली जाणार आहे. जमीर यांच्या उचलबांगडीची मागणी भाजपने सतत केली असून, त्यांच्याविरुद्ध राज्यव्यापी आंदोलनही छेडले होते.