वेंगसरकर आज गोव्यात

मुरगाव, दि.23 (प्रतिनिधी) ः गोवा क्रिकेट संघटनेतर्फे 2007 - 2008 या कालावधीत आयोजित केलेल्या विविध स्पर्धांच्या बक्षिसांचे वितरण उद्या (शनिवारी) पर्वरी येथील हॉटेल मॅजेस्टिकमध्ये सकाळी 10.30 वाजता विशेष समारंभात करण्यात येणार आहे.
या वार्षिक बक्षीस वितरण सोहळ्याला भारतीय क्रिकेट संघाचे माजी कर्णधार तथा भारतीय वरिष्ठ संघ निवड समितीचे अध्यक्ष दिलीप वेंगसरकर हे प्रमुख पाहुणे म्हणून उपस्थित राहणार आहेत.
यावेळी गोवा क्रिकेट संघटनेचे अध्यक्ष तथा भारतीय क्रिकेट नियामक मंडळाचे उपाध्यक्ष दयानंद नार्वेकर हेही उपस्थित राहणार आहेत.