Goa Doot - Goa's Marathi News

सुकुमार देसरकर कोण?
स्कार्लेटप्रकरणी आज (शनिवारी): आणखी "मनोरंजक' माहिती उघडकीस आली. हणजूण पोलिस स्थानकात ९ मार्च रोजी नोंद झालेल्या २१ - २००८ या प्राथमिक चौकशी अहवालात फियोना हिच्या वडिलांचे नाव सुकुमार देसरकर असे नोंदवण्यात आले आहे. याबाबत फियोनाला विचारताच तिने आपण या व्यक्तीला ओळखत नसल्याचे म्हटले आहे. पोलिस अधीक्षक बॉस्को जॉर्ज यांनी ही कदाचित संगणकीय चूक असावी, अशी शक्यता व्यक्त केली. त्याबाबत चौकशी केली जाईल, असे ते म्हणाले. या प्रकरणाचे चौकशी अधिकारी निरीक्षक ब्राझ मिनेझिस यांनीही या नावाबाबत आपल्याला कोणतीही माहिती नसल्याचे स्पष्ट केले. पोलिसांच्या अजब कारभाराची छोटी (शी) झलक...