हॉटेल कर्मचाऱ्यांसाठी अग्निशमन तंत्राचे प्रशिक्षण

पणजी, दि. 12 (प्रतिनिधी)- गोवा अग्निशमन व आपत्कालीन सेवा संचालनालयातर्फे अलीकडेच रॉयल गोवन बीच रिझोट्स कर्मचाऱ्यांना अग्निसुरक्षा व्यवस्थापन व अग्निशमनासंबंधीचे प्रशिक्षण देण्यात आले. सांतइनेज येथील अग्निशमन दलाच्या मुख्यालयात गेल्या 4 ते 8 ऑगस्ट दरम्यान झालेल्या या प्रशिक्षण कार्यक्रमाअंतर्गत सुमारे 30 कर्मचाऱ्यांनी या कार्यक्रमात भाग घेतला.
बाणावली बीच क्लब, रॉयल पाल्म्स, मोन्ते रियो व हाथी महल आदी हॉटेल कर्मचाऱ्यांना मूलभूत अग्निशमन तंत्र, बचावतंत्र, प्रथमोपचार याबरोबर हॉटेल अग्निसुरक्षा, अग्निप्रतिबंध यांचे धडे देण्यात आले. यावेळी प्रशिक्षण समारोपप्रसंगी अग्निशमन दलाचे संचालक अशोक मेनन यांच्याहस्ते प्रशिक्षणार्थींना प्रमाणपत्र देण्यात आले. यावेळी समूह मानवसंसाधन व्यवस्थापक लॉयला फर्नांडिस यांनी प्रशिक्षणार्थींनी इथे मिळवलेली माहिती इतर कर्मचाऱ्यांना द्यावी जेणेकरून त्यांनाही याबाबत माहिती मिळेल, असे उद्गार काढले. यावेळी समूह प्रशिक्षण व्यवस्थापन वेन्डी प्रधान व रॉयल गोवन रिझोर्टचे आंताव आरावझो हेही उपस्थित होते. स्थानक अग्निशमन अधिकारी अजित कामत यांनी मान्यवरांचे स्वागत केले व आभार मानले.