म्हापसा, दि. १२ (प्रतिनिधी)
घुबलावाडा -ओशेल, शिवोली येथील प्रभाकर धारगळकर यांना शापोरा नदीत बुडून मृत्यू आला. या प्रकरणी मिळालेल्या माहितीनुसार, घुबलावाडा - शिवोली येथील प्रभाकर धारगळकर सोमवारी रात्री घरी ९.३० च्या सुमारास जेवले व त्यानंतर ते नदीकिनारी नैसर्गिक विधीसाठी गेले. त्यावेळी तोल जाऊन ते नदीच्या पाण्यात पडले. आज मंगळवारी सकाळी त्यांचे प्रेत शापोरा नदीत तरंगताना दिसले. या घटनेची माहिती हणजूण पोलिसांना मिळाल्यानंतर त्यांनी पंचनामा करून मृतदेह उत्तरीय तपासणीसाठी पाठवला.
No comments:
Post a Comment
आपली प्रतिक्रिया नोंदवा