गोव्यात स्त्रियांचे प्रमाण घटले!

पणजी, दि. ३१: देश पातळीवर पुरुषांच्या तुलनेत स्त्रियांच्या संख्येचे प्रमाण आधीच्या तुलनेत किंचित वाढले असले तरी गोव्यासारख्या देशातील सर्वांत विकसित राज्यात ते ढासळत चालल्याचे विदारक चित्र दिसून आले आहे. गोव्यामध्ये दर हजार पुरुषांमागे महिलांचे प्रमाण ९२० पर्यंत खालावले आहे. ही अत्यंत चिंतेची बाब असल्याचे या क्षेत्रातील तज्ज्ञांचे म्हणणे आहे. महिलांचे प्रमाण वाढावे यासाठी मुलगाच हवा या पारंपरिक मानसिकतेत बदल करणे हाच सर्वोत्तम उपाय असल्याचे सांगितले जाते. तसेच गोव्याचा वार्षिक वृद्धीदर ८.२ असून दर चौरस किलमीटर क्षेत्रातील लोकसंख्येच्या घनतेचे प्रमाण ३९४ असे आहे.