तलाशाला आणखी एक सुवर्ण

पणजी, दि. १९ (क्रीडा वार्ताहर)
गोव्याची अव्वल जलतरणपटू तलाशा प्रभू हिने रांची येथे सुरू असलेल्या ३४ व्या राष्ट्रीय स्पर्धेत आणखी एक सुवर्ण पदक पटकावले. यामुळे २ सुवर्ण, २ रौप्य व एका कास्य पदकासह तिने एकूण ५ पदकांची कमाई केलेली आहे.
तलाशा प्रभूने आज १०० मीटर फ्री स्टाईलमध्ये सुवर्णपदक पटकावत गोव्याच्या खात्यात आणखी एका पदकाची भर घातली. गोव्याने सध्या १२ पदकांची कमाई केलेली असून यात ४ सुवर्ण, ४ रौप्य व ४ कास्य पदकांचा समावेश आहे.