वाहनाच्या धडकेने म्हापशात महिला ठार

म्हापसा, दि ७ (प्रतिनिधी)
म्हापशातील कार्व्हालो पेट्रोलपंपाजवळील रस्ता ओलांडताना एका अज्ञात वाहनाने धडक दिल्याने शोभा चव्हाण (३५) ही महिला जागीच ठार झाली. हा अपघात काल (दि.६) रात्री अकराच्या सुमारास घडला. या प्रकरणाची माहिती म्हापसा पोलिसांना मिळताच उपनिरीक्षक श्री. केसरकर यांनी पंचनामा करून मृतदेह चिकित्सेसाठी बांबोळी येथे गोमेकॉत पाठवला. रात्री हा अपघात घडला तेव्हा सदर महिलेची ओळख पटली नव्हती. तिचे पती तिला शोधत असल्याने ओळख पटली. उभयता बांबर बोडगेश्‍वर देवस्थानजवळ राहत होती.