कारच्या धडकेने दुचाकीस्वार ठार

मडगाव, दि. २ (प्रतिनिधी)
मुरीडाग्रांज येथे आज संध्याकाळी झालेल्या एका अपघातात फातोर्डा येथील एक मोटारसायकलस्वार मृत्यू पावला. फातोर्डाहून पणजीकडे जाणार्‍या एका मारुती कारने धडक दिल्यामुळे हा अपघात झाला. त्यात रोहिदास नाईक हा फातोर्डा येथील दुचाकीस्वार गंभीर जखमी झाला. त्याला प्रथम हॉस्पिसियो इस्पितळात दाखल करण्यात आले व नंतर ‘गोमेकॉ’त हलविले. तेथे उपचार चालू असताना त्याला मृत्यू आला. पोलिसांनी पंचनामा करून मृतदेह शवागारात ठेवला आहे. या प्रकरणी मडगाव पोलिस अधिक तपास करत आहेत.