ज्ञानेश्‍वर नाडकर्णी यांचे पुण्यात निधन

पुणे, दि. २३
प्रसिद्ध समीक्षक, नाट्य अभ्यासक ज्ञानेश्वर नाडकर्णी यांचे गुरुवारी दुपारी पुण्यात निधन झाले. ते ८२ वर्षांचे होते. इंग्रजी तसेच मराठी नाटके, समीक्षा असा त्यांचा गाढा अभ्यास होता. त्यांच्यामागे पत्नी शालिनी, एक मुलगा आणि दोन मुली असा परिवार आहे. त्यांच्या निधनाने साहित्यिक वर्तुळात हळहळ व्यक्त होत आहे. अनेक मान्यवरांनी त्यांचे अंत्यदर्शन घेऊन त्यांना आदरांजली अर्पण केली.