तीन प्रतिष्ठित दुकानांवर पणजी पोलिसांचा छापा

पणजी, दि. १० (प्रतिनिधी): पणजी येथील तीन बड्या प्रतिष्ठित दुकानांवर आज पोलिसांनी छापा टाकून सुमारे ५५ हजार रुपयांचा बनावट माल हस्तगत केला. या दुकानात लोकप्रिय कंपन्यांचा ब्रँडखाली या बनावट वस्तू ग्राहकांना विकल्या जात होत्या, अशी तक्रार पोलिसांकडे दाखल झाली होती.
याप्रकरणी प्राप्त माहितीनुसार, पणजी येथील १८ जून रस्त्यावरील काही प्रतिष्ठित दुकानांत हा छापा टाकण्यात आला. काही बड्या कंपन्यांचे ब्रँड वापरून बनावट वस्तू विकल्या जात होत्या, अशी तक्रार मिळाल्यानेच पोलिसांनी हा छापा टाकला. एकूण तीन दुकानांवर टाकलेल्या या छाप्यात सुमारे ५५ हजारांचा माल जप्त करण्यात आला. याप्रकरणी पणजी पोलिसांनी गुन्हा नोंद केला आहे व पोलिस निरीक्षक संदेश चोडणकर अधिक तपास करीत आहेत.