पणजी, दि. ९ (प्रतिनिधी): केंद्रातील कॉंग्रेस सरकारने हिंदूंच्या विरोधात भूमिका घेऊन सुरू केलेल्या कारवायांच्या निषेधार्थ राष्ट्रीय स्वयंसेवक संघातर्फे उद्या दुपारी ३ वाजता पणजी बसस्थानकासमोर दुर्गा पूजन होत असलेल्या ठिकाणी धरणे व निदर्शने केली जाणार आहेत.
या धरणे कार्यक्रमात शेकडो नागरिक सहभागी होणार असून राष्ट्रीय स्वयंसेवक संघ पहिल्यांदाच अशा प्रकारे विरोध करण्यासाठी रस्त्यावर उतरणार आहे. यामुळे उद्याच्या धरणे कार्यक्रमाला अधिक महत्त्व प्राप्त झाले आहे. जगातील सर्वांत मोठी सामाजिक आणि राष्ट्रप्रेम जागवणारी संस्था म्हणून संघाला मान्यता असल्याने उद्याच्या या कार्यक्रमाकडे सर्वांचे डोळे लागलेले आहेत. दुपारी ३ ते ६ या दरम्यान हा धरणे कार्यक्रम होणार असून त्यात सहभागी होण्यासाठी गावागावांतून जोरदार तयारी सुरू आहे.
No comments:
Post a Comment
आपली प्रतिक्रिया नोंदवा