केरळ सत्यशोधन समितीवर मिस्किता

पणजी, दि. ९ : केरळमधील काही धर्मवेड्या घटकांनी नुकताच धुमाकूळ घातला, त्यावेळी एका शिक्षकाचा हातही तोडण्याचा प्रकार झाला. या असहिष्णुतेबद्दल भाजपने सत्यशोधन समिती नियुक्त केली असून, गोवा भाजपचे उपाध्यक्ष डॉ. विल्फ्रेड मिस्किता यांचा या समितीत समावेश आहे. माजी मंत्री व खासदार हरिन पाठक यांच्या अध्यक्षतेखालील या समितीत सर्वोच्च न्यायालयातील ज्येष्ठ वकील पिंकी आनंद, ऍड. बालसुब्रह्मण्यम कामारासू हे अन्य सदस्य आहेत. ही समिती ९ व १० रोजी केरळला भेट देत असून लवकरच पक्षाध्यक्षांना आपला अहवाल देईल.