इंडोनेशियाला भूकंपाचा शक्तिशाली धक्का

जकार्ता, दि. ९ - इंडोनेशियातील ऍचे प्रांताला आज भूकंपाचा शक्तिशाली धक्का बसला असून यात किती जीव व वित्त हानी झाली याचे वृत्त अद्याप प्राप्त झालेले नाही. भूकंपाची तीव्रता ७.२ इतकी होती, तर अमेरिकन भूकंप मापन यंत्रणेने ही तीव्रता ७.४ असल्याचे म्हटले आहे. २००४ साली आलेल्या भूकंपानंतरच्या त्सुनामीने या प्रांतात हाहाकार उडवून दिला होता. स्थानिक हवामान खात्याने त्सुनामीची शक्यता व्यक्त केली आहे.