ट्रकच्या धक्क्याने पादचाऱ्याचा मृत्यू

खनिजवाहतुकीचा बळी
कुडचडे, दि.१(प्रतिनिधी): कुडचडे येथील आंबेडकर चौकात रस्त्याच्या बाजूने चालणाऱ्या अब्बास अली साहब डिदगुर (४०) या इसमाला तेथून बेफामपणे धावणाऱ्या एका अज्ञात ट्रकने ठोकरल्याने तो जागीच ठार झाला.
कुडचडे पोलिसांनी यासंबंधी दिलेल्या माहितीनुसार मयत इसमाच्या खिशात सापडलेल्या सर्टिफिकेटवरुन त्याची ओळख पटलेली आहे.सकाळी सुमारे ९.१५च्या सुमारास हा अपघात घडला. केपेहून मालवाहतूक करणाऱ्या एका ट्रकने त्याला ठोकर देऊन पळ काढल्याचे पोलिसांनी सांगितले. पोलिसांनी मृतदेह मडगाव शवागृहात ठेवलेला असून पुढील तपास सुरु आहे.