'वटहुकूम सादर करा'

'सिदाद द गोवा' या हॉटेलच्या बेकायदा बांधकाम प्रकरणाचा खटला आज मुंबई उच्च न्यायालयाच्या गोवा खंडपीठात सुनावणीस आला असता, सरकारने काढलेला "वटहुकूम' आधी न्यायालयात सादर करा, असा आदेश आज मुंबई उच्च न्यायालयाच्या गोवा खंडपीठाने दिला. या बेकायदा बांधकामाला संरक्षण देण्यासाठी राज्य सरकारने हॉटेलकडे केलेल्या मूळ कंत्राटात बदल करण्यासाठी वटहुकूम काढला आहे. त्या वटहुकमाची एक प्रत न्यायालयात सादर करा, त्यानंतर पुढील सुनावणी घेतली जाईल, असे न्यायालयाने यावेळी स्पष्ट केले. याविषयीची सुनावणी दि. १८ मार्च रोजी ठेवण्यात आली आहे.