वायको यांना अटक

चेन्नई, दि.२३ : लिबरेशन टायगर्सच्या कारवायांचे समर्थन करणारे प्रक्षोभक भाषण दिल्याप्रकरणी एमडीएमकेचे अध्यक्ष वायको यांना आज अटक करण्यात आली.
यापूर्वीही वायको यांनी लिट्टेंच्या समर्थनार्थ भाषण दिले होते. त्यावेळी राज्यात अण्णाद्रमुकचे सरकार होते. लिट्टेंच्या समर्थनाचे भाषण ठोकल्याबद्दल त्यांच्यावर पोटा लावण्यात आला होता. अण्णाद्रमुकचे सरकार गेल्यानंतर त्यांची मुक्तता झाली. पण, आता पुन्हा त्यांनी लिट्टेंच्या समर्थनार्थ भाषण करीत प्रक्षोभक विधाने केली. एकीकडे लिट्टेविरुद्ध दक्षिण भारतीय आणि तामिळांमध्ये असंतोषाचे वातावरण धूमसत असतानाच वायको यांच्या भाषणाने त्यात भर घातली आहे. त्यामुळे वायको यांना लगेचच अटक करण्यात आली.