पाच जणांविरुद्ध आरोपपत्र दाखल

"सिमी'चे संशयित अतिरेकी
बेळगाव, दि. २६ (प्रतिनिधी) - बेळगावात विधानसभा निवडणुकीवेळी दहशत निर्माण करण्यासाठी बॉम्बस्फोटांचा कट रचणाऱ्या दहा संशयित सिमी अतिरेक्यांपैकी पाच जणांवर प्रथम वर्ग न्यायदंडाधिकारी श्री. नाईक यांच्या न्यायालयात "एपीएमसी' पोलिसांनी आरोपपत्र दाखल केले आहे. अन्य पाच जणांवर आरोपपत्र दाखल करण्यासाठी आणखी कालवधी लागणार आहे. त्यासाठी पोलिसांनी न्यायालयकडे वेळ मागितला आहे.
लियाकत अली सय्यद, नदीम सय्यद, इम्तियाज दालायन, नसीर पटेल, इजाज गुलाम हुसेन, तनवीर मुल्ला आणि इकबाल जकाती हे सात संशयित आरोपी पोलिस कोठडीत आहेत. या सातही जणांवर बंगळूरच्या प्रयोगशाळेत नार्को चाचणी करण्यात येत आहे. डॉ. मुनरोज आणि डॉ. असिफ सीओडी पोलिसांच्या ताब्यात आहेत. तसेच संशयित "सिमी' अतिरेकी सादिक मुल्ला फरारी आहे.