सॅमसनच्या ब्रेनमॅपिंगची सीबीआयकडून मागणी

पणजी, दि. २१ (प्रतिनिधी) : स्कार्लेट किलिंग खून प्रकरणी अटकेत असलेला मुख्य संशयित सॅमसन डिसोझा याच्या ब्रेनमॅपिंग चाचणीची परवानगी "सीबीआय'ने बाल न्यायालयाकडे मागितली असून त्यास सॅमसनच्या वकिलांनी जोरदार विरोध केला आहे. ही चाचणी कशासाठी हवी याचा खुलासा करण्यासाठी "सीबीआय'ला आज बाल न्यायालयाने नोटीस बजावली. त्यावर येत्या २३ रोजी सकाळी १० वाजता सुनावणी होणार आहे.
ब्रेनमॅपिंगसाठी आपण तयार नसल्याने त्यासाठी "सीबीआय'ला परवानगी देऊ, अशी विनंती सॅमसनने न्यायालयात सादर केलेल्या प्रतिज्ञापत्रात केली आहे. त्याचप्रमाणे कोणत्याही तपास यंत्रणेस अर्जदाराला न्यायालयीन कोठडीतून बाहेर नेण्यासाठी आणि त्याच्या कोणत्याही प्रकारच्या परीक्षणासाठी कोणासही तुरुंगांत येण्याची परवानगी देऊ नये, असे त्याच्या वकिलांनी प्रतिज्ञापत्रात पुढे म्हटले आहे.
१९ ते २१ जुलैदरम्यान "सीबीआय'ने पुन्हा माझी कसून चौकशी केली असून तेव्हा दबाव आणून एका अर्जावर माझी सही घेण्यात आली, असे त्याने प्रतिज्ञापत्रात म्हटले आहे.