राज्याचे नवे पोलिस महासंचालक बस्सी

पणजी, दि. २८ (प्रतिनिधी ): राज्याचे नवे पोलिस महासंचालक म्हणून भीमसेन बस्सी यांनी आज पदाची सूत्रे हाती घेतली.
आधीचे महासंचालक बी. एस. ब्रार यांच्या जागी त्यांची नेमणूक झाली आहे. बस्सी हे दिल्ली पोलिस खात्याच्या गुप्तहेर विभागाचे आयुक्त म्हणून काम पाहात होते. ते १९७७ सालच्या तुकडीतील "आयपीएस' अधिकारी असून यापूर्वी त्यांनी चंडीगढ येथे महानिरीक्षकपदाची जबाबदारी संभाळली आहे. ब्रार यांनी ९ सप्टेंबर २००६ रोजी गोवा महासंचालक पदाची जबाबदारी स्वीकारली होती.