पणजी, दि. १० (प्रतिनिधी)
महिला पोलिस लैंगिक अत्याचार प्रकरणात अडकलेले गुन्हा अन्वेषण विभागाचे उपअधीक्षक उद्या (सोमवारी) सेवेतून निलंबित होण्याची शक्यता सूत्रांनी व्यक्त केली आहे. या प्रकरणाची फाईल चौकशी अधिकारी महिला उपअधीक्षक रीना तोरकाटो यांच्या हाती आल्यानंतर ही निलंबनाची कारवाई केली जाणार आहे. दरम्यान, संबंधित पोलिस अधिकार्याने आपल्यावर झालेले आरोप फेटाळून लावण्यासाठी जोरदार प्रयत्न चालवले आहेत.
‘त्या महिला पोलिसने केलेल्या तक्रारीची फाईल माझ्या कार्यालयात आली आहे. अद्याप ती माझ्या हातात आली नसल्याने चौकशी सुरू झालेली नाही. उद्यापासून या चौकशीला सुरुवात होणार आहे,’ अशी माहिती उपअधीक्षक रिना तोरकाटो यांनी दिली.
या तक्रारीनंतर अन्य महिला पोलिस शिपायांनाही आता पोलिस अधिकार्याकडून होणार्या छळाची खुली चर्चा करायला सुरुवात केला आहे. राखीव दलात तसेच, ‘आयआरबी’त असलेल्या अनेकांनी यापूर्वी तोंडी तक्रारी केल्या होत्या. तर, एक महिला शिपाईने छळाला कंटाळून आत्महत्या करण्याचा प्रयत्न केला होता. तेव्हाही याच पोलिस अधिकार्यावर आरोप झाल्याची माहिती असून त्याची चौकशीही केली गेली होती. मात्र, त्या चौकशीचे शेवटी काय झाले हे अद्याप गुलदस्त्यात आहे.
Monday 11 July, 2011
Subscribe to:
Post Comments (Atom)
No comments:
Post a Comment