घाबरलेल्या दाऊदचे कराचीतून पलायन?

कराची, दि. १९
अंडरवर्ल्ड डॉन दाऊद इब्राहिम पाकिस्तानातच असल्याचा खुलासा हेडलीने करताच घाबरलेल्या दाऊदने कराचीतूनही पळ काढल्याचे वृत्त आहे.
गुप्तहेर विभागाकडून ही माहिती मिळाली आहे. मुंबईतील १९९३ च्या बॉम्बस्ङ्गोट प्रकरणी दाऊद हा भारतासाठी ‘मोस्ट वॉन्टेड’ आहे. दाऊद मागील काही वर्षांपासून पाकिस्तानातील कराचीत लपून बसला होता. बलाढ्य लादेनचा अमेरिकेने खात्मा केल्यानंतर अमेरिकेपुढे आपला टिकाव लागणार नाही, याचा विचार करून दाऊदचेही धाबे दणाणले आहे. त्यातच हेडलीने अमेरिकी कोर्टात बयाण देताना दाऊद पाकिस्तानातच असल्याची कबुली दिली. यामुळे दाऊदने आपला ठिकाणा बदलल्याचे समजते. आता तो पाकमधून पळून सुरक्षित स्थळी जाऊन दडला आहे. तो सध्या कुठे आहे, याविषयी संकेत मिळू शकलेले नाहीत.
दुसरे कारण म्हणजे, पाकिस्तानवर आंतरराष्ट्रीय दबाव आला तर पाकिस्तान आपल्याला बळीचा बकरा बनवून अमेरिकेच्या दावणीने बांधेल, अशी भीती दाऊदला वाटते आहे.