पणजी, दि. १० (प्रतिनिधी) ः हरमल येथील पोलिस खबऱ्या सनी याचा खून हा ड्रग व्यवसायातून झाल्याचे उघडकीस आले आहे. या खून प्रकरणातील मुख्य संशयित नवलेश लुडू नाईक हा अद्याप गायब असल्याची माहिती पेडणे पोलिस स्थानकाचे निरीक्षक उत्तम राऊत देसाई यांनी दिली. दरम्यान, या प्रकरणात अटक करण्यात आलेला संशयित मंगेश खोर्जे याला आज न्यायालयात हजर करून सात दिवसांची पोलिस कोठडी मिळवण्यात आली आहे.
मंगेश याने मयत सनी याच्या मृत्यूच्या आदल्या दिवशी थोबाडीत लावली असली तरी, नवलेश याने त्याला त्या रात्री जबर मारहाण केल्याची माहिती पोलिसांना मिळाल्याचे श्री. देसाई यांनी सांगितले. सनी याला मृत्यूच्या पंधरा दिवसापूर्वीही मारहाण करण्यात आली होती. नवलेश यांनी सनी याला कोणत्या कारणावरून मारहाण केली होती, हे मात्र अद्याप स्पष्ट झालेले नाही.
Friday 11 June, 2010
Subscribe to:
Post Comments (Atom)
No comments:
Post a Comment