दिवाकर पागी जामिनावर मुक्त

काणकोण, दि. ११ (प्रतिनिधी) - अमलीपदार्थ विरोधी पथकाने कारवाई केल्यानंतर गेले दीड वर्षे तुरुंगात असलेले काणकोणचे माजी नगराध्यक्ष दिवाकर पागी यांना आज न्यायालयाने जामिनमुक्त केले. काणकोणचे नगराध्यक्ष श्यामसुंदर देसाई व अन्य नगरसेवकांनी त्यांची पाळोळे निवासस्थानी भेट घेऊन त्यांना शुभेच्छा व्यक्त केल्या.
आज दुपारपासून समाजातील विविध क्षेत्रांमधील लोकांनी पागी यांची भेट घेतली. पागी यांच्याबरोबर अन्य तिघांनाही आज जामिनावर मुक्त करण्यात आले.